Citizen Journalism = ព័ត៌មានប្រជាពលរដ្ឋ
ព័ត៌មានប្រជាពលរដ្ឋ ឬហៅម្យ៉ាងទៀតថា ព័ត៌មានសាធារណៈ ព័ត៌មានអ្នកចូលរួម ព័ត៌មានប្រជាធិបតេយ្យ ព័ត៌មានពីអ្នកធ្វើដំណើរតាមផ្លូវ គឺជា ព័ត៌មានពីសាធារណជនដែលមានតួនាទីយ៉ាងសកម្មក្នុងការប្រមូល រាយការណ៍ វិភាគ និងចែកចាយដំណឹង និងព័ត៌មាន។
សូមកុំច្រឡំពាក្យ ព័ត៌មានប្រជាពលរដ្ឋ នឹងព័ត៌មានសហគម និងព័ត៌មានស៊ីវិលដែលទាំងពីរនេះពាក់ព័ន្ធនឹងអ្នកយកព័ត៌មានអាជីព។
ព័ត៌មានប្រជាពលរដ្ឋ ជាទម្រង់ព័ត៌មានពិសេសដែលចងក្រង និងរាយការណ៍ដោយប្រជាពលរដ្ឋ។
បច្ចេកវិទ្យាផ្សព្វផ្សាយព័ត៌មាននាសម័យទំនើប ដូចជាបណ្ដាញសង្គម (social networking) និងវិបសាយចែករំលែកព័ត៌មាន(media-sharing websites) ដែលជាឧបករណ៍ប្រើប្រាស់បន្ថែមលើឧបករណ៍ទូរស័ព្ទដែលកំពុងតែពេញនិយមនោះ បានធ្វើឲ្យព័ត៌មានប្រជាពលរដ្ឋ ត្រូវបានផ្សព្វផ្សាយទៅដល់ប្រជាពលរដ្ឋយ៉ាងរហ័សនិងទូលំទូលាយនៅទូទាំងពិភពលោក។
ដោយសារតែភាពសម្បូរបែបនៃបច្ចេកវិទ្យា សារគមនាគមន៍ ព័ត៌មានវិទ្យា ប្រជាពលរដ្ឋអាចរាយការណ៍ព័ត៌មានទាន់ហេតុការណ៍ ឬព័ត៌មានថ្មីៗ បានរហ័សជាងអ្នករាយការណ៍ព័ត៌មានបែបបុរាណ។
អ្វីដែលគួរឲ្យចាប់អារម្មណ៍យ៉ាងខ្លាំងពាក់ព័ន្ធនឹងព័ត៌មានប្រជាពលរដ្ឋដែលបានរាយការណ៍អំពីព្រឹត្តិការណ៍ធំៗនៅលើពិភពលោកគឺ ព័ត៌មានអំពីចលនាបដិវត្តន៍ផ្កាម្លិះនៅអារ៉ាប(Arab Spring) និងចលនាតវ៉ាទាមទារសមធម៌សេដ្ឋកិច្ចសង្គម(Occupy Wall Street)ជាដើម។
